sa dapit-hapon

mahiwagang buhay nakapagtataka
ngunit minsa’y nakakabalisa

maraming nagdaang alaala
bumabalik sa isang kisapmata

sa isang sulok pala ng isipan nakatago
pira-pirasong larawang ulit na bumubuo

sa isang salamin ng kahapon
datapwat sa tuwina’y tumutugon

kung saan ang lahat nagsimula’y
muling bumabalik sa dapit-hapon ng buhay

at kung bakit nasa tamang panahon ang lahat
isang malaking tanong sa muling pagkamulat.

~ by the fortunate pilgrim on November 3, 2009.